سؤال مهم لكل البنات ياريت الكل يشاركنى الرأى

السلام عليكم ورحمة الله وبركاته

صديقاتى البنانيت

الموضوع ده شاغلنى اوى وحبيت اطرحه عليكم ونتكلم فيه سوا

ياريت كل البنات تشاركنى فيه

بصوا يا بنات

كل بنت فى الدنيا بتحلم بيوم فرحها

ويوم ما العريس بيجي يكلم بابا ويقول له ان الفرح ان شاء الله حيكون كمان 3 شهور مثلا

العروسة بقى بتقعد مع طرفين وترتب معاهم كل اللى ناقصها

الطرف الاول هى والدتها

وتقعد بقى يا ماما ناقصنى هدوم اية وحاجات فى المطبخ وحاجات فى الصالون والسفرة وستاير وسجاجيد وهكذا

تقعد تعد بقى اللى عندها واللى ناقصها تجيبه وتمسك ورقة وقلم وتقعد تقول لماماتها ويحسبوها سوا

طيب ده الطرف الاول

الطرف التانى بقى هو عريسها

حيقعد معاها ويقول لها يا ستى انا معايا مبلغ كذا وناقصنا لسه شوية حاجات عاوزين نعملها

اولها الفرح والموبيليا والنجف والاجهزة وشهر العسل ووووووو حاجات كتير برضة لسه ناقصة للعريس

طيب موضوعنا بقى النهاردة اللى انا بتكلم فيه وعاوزه اسألكم عليه

لو ماما جت وقالت لك الفلوس اللى معايا ما تكفيش كل اللى ناقصك يا بنتى حاولى تختصرى بقى فى الحاجات اللى انتى عاوزاها ولسه ناقصاكى علشان نكفى كل طلباتك بالفلوس اللى معانا

او العريس برضة جه وقال لها الموضوع بدأ يخرم مننا يا عروستى نعمل اية

فى حاجات كده حنلغيها او نقلل منها شوية علشان ندخل بيتنا واحنا معانا كل حاجة تسعدنا ومن غير ما نزعل باباكى او مامتك ان فى حاجة نقصت وكمان علشان ما يكونش عليا فلوس لحد

قولى لى بقى يا عروستنا

اية الحاجة اللى تقدرى تستغنى عنها وقت الفرح وما تنفيذهاش

او انك تقللى منها شوية بس علشان تكفى الفلوس اللى معاكم

حوضح فكرتى اكتر

يعنى مثلا ممكن تلغى الفرح لو تكاليفه كبيرة ولا ممكن تعمليه فرح بس صغير المهم تفرحى فى وسط اهلك واصحابه ولا لازم يتعمل فرح كبير زى قرايبك كلهم

ممكن تبيعي شبكتك وقت الزنقة وتدى تمنها لخطيبك علشان يكمل التكاليف اللازمة ولا لا وحتقولى ديه بتاعتى وماحدش ياخدها منى

ممكن تقللى فى قيمة النجف والموبيليا والاجهزة ولا لازم حاجات معينة وما تقدريش تستغنى عنها

هل ممكن تأجرى فستان الفرح ولا لازم تشتريه او تفصليه

هل الموبيليا لازم يكونوا 5 اوض ولا ممكن الاوض الاساسية مؤقتا وبعد ما ربنا يفرجها ابقوا هاتوا اللى انتوا عاوزينه مع بعض

حاجات كتير زى كده ياريت بقى كل واحدة تقول لى رأيها او تجربتها فى الموضوع ده

الموضوع ده على فكرة مهم جدا وانا علشان كده نفسى كل بنت تدخل الموضوع ده تقول لى رأيها

وبعدين كمان هل بقى التنازلات ديه كلها حتبقى راضية عنها وانتى بتعمليها ولا الموضوع حتبقى بتعمليه لمجرد ترضى حد وانتى حتكونى غضبانة

طيب عملتى التنازلات وانتى راضية ومبسوطة علشان بتحبيه

تفتكرى هو حيشيل التضحية بتاعتك ديه فى عينيه وحيقدرها بجد ولا لا ممكن يوم من الايام ينسى كل اللى عملتيه معاه

ياريت اسمع رأيكم الشامل فى الموضوع ده

اسفة ليكم اوى انا طولت عليكم جدا بس فى انتظار مشاركتكم معايا

سلام

أنا عن نفسى لو بنت أضحى بكل شئ علشان خاطر الانسان اللى بحبه
ياريت كل البنات تعمل كده عشان متخسروناش كتير

شكرا يا فارسي علي مرورك وتعقيبا انا لو كنت في الموقف ده هضحي بكل شيء ما دمت هجد السعادة وهيتقي الله فيه وهيخاف عليه مش هحتاج حاجه اكتر من كده لان السعادة مش الفرح وتكاليفه او الاثاث او الشقه اوغيره بل السعاده في الشخص الللي اخترته وهيحترمني ويقدرني اللهم ارزقنا بالزوج الصالح

اولا الموضوع جميل جدا يا بنوته وحيوى بس لازم تعرفى ان البنات كلها بتبص لبعض مش لازم من كل حاجه اتنين او تلاته ومش لازم الفرح يكون كبير وانا لوبحبه لازم اساعده لحد ما بوقف على رجليهولازم اعزر اهلى انا مش لوحدى

» ياريت الكل يقول رأيه****( الدردشة باب ل........ )****
» سؤال ويا له من سؤال....سؤال عُجاب
» امر هام وعاجل ..............نرجو الدخول وابداء الرأى
» حركات البنات للهروب من المذاكره
» كوفى شوب البنات || للنجمات وبس || يلا يا بنات نرغى سوا