رائعة الاستاذ الكبير شعبان عبدالرحيم

غيرت ليه شكلك يارغيف

غيرت ليه شكلك يارغيف ...... انا نفسي اشوفك مرة نظيف
*****

مليان مسامير وسجاير ..... وفي الميزان ناقص يا خفيف
*****

كنت زمان طري ومفقع ...... مفكش سوسة ولا مرقع
*****

دلوقتي شكلك مش مظبوط ..... اسود على ابيض ومبقع
*****

طالعلي من الطاقة ملعبط ..... وشك كمان كلو مشعور !!
*****

لو صوروك مع كورة شراب ..... اتوه ما بينكم واتلخبط
*****

ناس عليك عاملين زحمة ...... ماتكونش اهم من اللحمة
*****

ومهما تعمل فينا يارغيف ..... مايجوزش عليك الا الرحمة
*****

مع انك انت رغيف مدعوم ..... لكن بس ياناس مظلوم
*****

شبهوك ولاد الحرامية ...... ومن وراك لهفوا المعلوم
*****

انا نفسي يتحسن شكلك .... ونتبسط واحنا بنكلك
*****

لو كل واحد عندو ضمير ..... هتنتهي كل مشاكلك
*****

مع السلامة خلاص يارغيف ....... انا نفسي اشوفك مرة نظيف
*****

كل الغلابة هيدعولك ....... ونفسي اشوفك حلو ظريف
*****

بس خلاص .....

مستني ارائكم الجميله عن العيش بتاعنا

هو الكلام جميل يا صهيب اما عن العيش اهضحكم انا الاسبوع الماضي قولت اعمل نفسي شملولة واجيب العيش وقفت في الطابور السيدات بيزقوني واخدوا مكاني وانا مش قادرة اتكلم خايفة منهم مستسلمة للامر الواقع طلعت من الطابور بكرامتي بدون العيش ماما ضحكت عليا كتير اوي وجزاك الله خيرا يا صهيب

والله الكلام في محله اما احنا عندنا عيش ما تقدر تقاوم جماله بجد وبصراحه ايه جمال العيش ده اللي عندنا
بصراحه بيعملو الواجب واكتر
حسبي الله ونعم الوكيل فيهم بجد
يعني الواحد هيتكلم علي شكل الرغيف ولا نوع الدقيق وكفايه وقفه الطابور وفي الاخر ممكن متلحقش تاخد عيش بعد البهدله دي

موضوع: مشكووووور الجمعة أكتوبر 03, 2008 4:58 pm

ايه اللى انته بتقوله دا يا صهيب
دا حتى رغيف العيش كبييييييير انا بفطر بنص رغيف والمواصلات عندنا فاضيه والاسعار رخييييييييصه ومحدش بيشتكى من الفقر بس انت اللى مش واخد بالك

صهيب بردو الى مش واخد باله ولا انت يافارس الى مش واخد بالك من حاجه خالص
والله يا صهيب الموضع فى محله جدا
تعرف والله دانا اخر يوم فى رمضان رحت واشترت عيش من غير طابور ولا حاجه
عيش من الغالى مش بيقفوله طابور طبعا ومقولكوش على العش شكله ولا طعمه
ولا طبعا الكلا الى سمعته من بابا

» رائعة أمل دنقل