انا فعلا بحبك............قصدى فعلا مش بحبك

أنا مش بحبك..
ولا دُبت فيكي.
ولا قلبي عاشقك..
وحيموت عليكي.
ولا نفسي دايما تكوني معايا..
ولا نفسي أشوفك..
وأبص ف عنيكي.
ولا نفسي أضمك لحضني تَـمَلَّي..
ولا نفسي أخلِّي..
إديا ف إديكي.
ولا انتي ف بالي..
وساكنه خيالي..
ولا مالكه عقلي..
ودايما ناسيكي.
ولا بتلهميني بأحلى قصايدي..
ولا نفسي أهدي ديواني إليكي.ولا كل ليله بشوفك ف حلمي..
ولا حلمي إني أعيش بس ليكي.
ولا حتى سحرك مشقلب كياني..
ولا البدر دايما مفكرني بيكي.
**********************************************
ولو يوم يعدي وماشفتكيش..
مابيهمنيش.
ولا ازعل واعيط..

ولا احس إني مابقدرش اعيش.
ولا احس إن الـحياه ماتساويش.
ولا احس إن القصايد ف غيرك كلام خنتريش.
ولو حد قالك عليا "بيكدب"..
قوليلو "بتكدب" وماتصدقيش.
وإنشالله يارب لو كنت بكدب..
إلهي وجاهي ألاقيكي جنبي..
شريكتي ف حياتي وماتبعديش.ودي حاجه طبْعا مابتمنهاش..
ولو تعرضيها عليا بنفسك..
حقولك بلاش..
فإوعي تحاولي ومتفكريش.
وخليكي عارفه.. وماتأخذنيش..
وجودك ماهواش بيفرق معايا..
ولا بُعدي عنك بداية النهايه..
وحُسنك ماهواش حكاية وآيه..
ولا نفسي قلبك يـجاوب ندايا..
شعوري تجاهك حبيبتي مفيش.
وكلمة "حبيبتي" دي زلة لسان..وملهاش علاقه بـحاجه ف قلبي مـخبيها عنك بقالي زمان..
ماتتلككيش.
سبيني ف حالي..
أفكر ليالي..
واشوف ليه عيونك مابيشدونيش !!!

جمييييييييل يا مريوووووم
انا احترت هههههههه
فعلا مثل ما قولتي
موضوع جميل من شخصيه اجمل
مشكوررررررره

ماشاء الله بجد تحفه
جزاكى الله خيرا يااحلى مريوم
بورك فيكى

مشكوووره ياسمسم على المرور
نورتى الموضوع

جزانا الله واياكم اختى قساميه
اسعدتنى مشاركنك

جزاكى الله كل خير اخت مريوم
دى المفروض اللى الكلام ده لها تولع فى نفسها لانه مش طايقها خالص
صدقى لما ربنا يكرمنى واخطب وازعل من خطيبتى هقولها الكلام ده عشان تولع فيا

اخت مريوم لى عندك رجاء وهو عدم تغيير اسمك وان ترجعى الى اسم مريوم لاننا نعرفك به

جزانا واياكم اخى الفارس
بس يا فارس حرم عليك لو قلت ليهل الكلام ده
ده كلام صعب اوى

وموضوع اسمى ان شاء الله
وبالمناسبه انا كمان عندى رجاء
انك تغير استايل المنتدى

شكرا يا قمر علي كلماتك وموضوعك وشكرا ليكي علي نشاطك الواسع

شكرا على المرور يا قمرايا
نورتى الموضوع

تحت امرك يا مريوم
لكن ما الذى لا يعجبك فى هذا الاستايل