أشهر جمل بيقولوها الأب و الأم في مصر

أشهر جمل بيقولوها الأب و الأم في مصر

انت فاكرنا لاقين الفلوس ديـــ في الشارع .

* ما تتكلمش بصوت عالي في الحمام .

* والله ما انت فالح .. وادي دقني أهه .

* ما تنمش غير لما تغسل سنانك .

* ما تلزقش في التلفزيون كده .. نظرك هيضيع .

* سلم على عمك كويس يا ولد .

* يا ابني محدش هينفعك .

* ما تطلعش ايدك من الشباك .

* قصة الغريق الكاذب اللي كل مره يقول الحقوني ... لحد ما غرق بجد .

* ربنا يرزقك بعيل يوريك اللي ورتهوني .

* ما تطلعش على الملايه النظيفه و رجليك متوسخه كده .

* نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟

* طلع ايدك من جيبك و انت بتكلمني .

* ايه الا مبالاه و الاستهتار اللي انت عايش فيهم دول .

* قوم اقرا لك كلمتين ينفعوك .

* وطي المدعوق ده شويه .

*
انت فاكرنا نايمين على ودانا ؟

* يا ابني انت مسطول ولا ايه ؟
بلاش أكل بره .

* كلمنا لما توصل .

* عيـــب ... لازم تحترم اللي أكبر منك .

* لو شفت خناقه ما لكش دعوة بيها .

* لازم تأكل سلطه .

* اوعى تكدب عليا كده تاني مرره .

* اوعى حد غريب يديلك حاجه تاكلها و تشربها و تاخدها منه .

* يا ابني كلم خالتك العيانه اسأل عليها .

* بلاش لعب في الشارع .

* ما تعليش صوتك .

* وانت فاكر احنا مستنيين منك حاجه .

* المسلسل مش هينفعك ...قوم .

* ما تقعدش قدام المروحه وانت مستحمي .

* كفايه رغي في التليفونات .

* بلاش وقفة الشبابيك و البلكونات .

* اوعى تقول لحد هات لي حاجة .

* كل على مهلك .. وامضغ كويس ... وما تكلش وانت واقف .. وكل من قدامك ما تحفش .

* اطفي التلفزيون وقوم ذاكر . أو اطفي التلفزيون و خش اوضتك .

* ربنا يهديك ربنا يهديك ... وأحيانا .. انك لا تهدي من أحببت .

*
صليت العصر ؟!

* ما تمشيش حافي في السقعة دي

* ما فيش مذاكرة على المزيكا .. أو .. بتذاكر إزاي و البتاع ده شغال جنبك .

* افرد ظهرك . بص كويس و انت بتعدي الشارع .

* ومالها الكتب بتاعة الوزاره ؟!

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم .. متتكسفش .

* تقعد في أول صف قدام السبوره .

* ما تردش عليا .

* مش عايز اسمع صوت .

* مالكش دعوة بالسياسة .. وماتمشيش في مظاهرات .

* التهديدات المخيفة شكلا و الكارتونية مضمونا : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .

* و أخيرا ::

ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا
نسيت اقول لكم حاجه
وادي دأني ان قفلت الهباب اللي انتم قاعدين عليه ..... الجهاز طبعا
هنشوف درجات اخر السنة شكلها ايه
لو بتقعد تذاكر زي ما انت قاعد علي الكمبيوتر كده

البنوتة كتب:: نسيت اقول لكم حاجه
وادي دأني ان قفلت الهباب اللي انتم قاعدين عليه ..... الجهاز طبعا
هنشوف درجات اخر السنة شكلها ايه
لو بتقعد تذاكر زي ما انت قاعد علي الكمبيوتر كده

اضحوكه جميله

وجزاكى الله كل خير

هههههههههههه
ده انا كل يوم بيتقالي كلام من دا لاما خلاص اتخنقت

الفارس المجهو كتب:

البنوتة كتب:: نسيت اقول لكم حاجه
وادي دأني ان قفلت الهباب اللي انتم قاعدين عليه ..... الجهاز طبعا
هنشوف درجات اخر السنة شكلها ايه
لو بتقعد تذاكر زي ما انت قاعد علي الكمبيوتر كده

ايه اللى بتقوليه يا بنوته ده
فيه انسه تقول ادى دقنى
على العموم هى اضحوكه جميله

وجزاكى الله كل خير

معذره فارس ردك ده مش يصح تذكره لان فعلا احنا اضايقنا بالرد ده

يعني ايه تقول فيه انسه تقول ادي دقني معذره بس ده مش كلامها وكمان الموضوع منقول مش يصح تنسب الكلام اليها

وجزاكم الله خيرا
تقبل مروري

جزاكِ الله خيرا بنوته وجزاكِ الله خيرا ياسمين على التنبيه لابد من ضوابط تحكم ردودنا وتعكس الاحترام المتبادل فيما بيننا ولا تفتح على الآخر مثلما حدث لأن بيننا ميثاق قد أخذ وعليه فلابد من احترام مشاعر الاخرين
جزاكم الله خيرا

جزاكى الله كل خير على التنبيه اخت ياسمين

 
وقد قمت بتعديل موضوعى
واعلن لكم اسفى امام الجميع