ليه مبقاش حد فينا حر؟؟ الفارس المجهول

السلام عليكم ورحمه الله وبركاته

موضوع للنقاش هاسيبه بين ايديكوا

انا حر

حر كلمه ليها معانى كتير
انا حر
الواحد عمره ما حس الاحساس ده
محدش يفتكر ويقولى الشباب واخدين حريتهم
فيه فرق بين حد يقول انا حر وفعلا هو يكون حر
وتكون حريه مقيده
مفيش حد فى بلدنا دى حر
مفيش حد مسموحله يقولها
مفيش حد مسموحله يقول رايه بيها
ليه عشان محدش فينا حر
عشان احنا كلنا كده حريتنا مقيده
تعالوا نبص كده
نشوف كلمه انا حر بتعمل ايه
مع الحكومه
جرب قول انا حر
هتاخد على قفاك
وهتضرب بالجزمه ويقولك حر
طب خلاص وراينى حريتك هتعملك ايه
وراينى لما تكون انسان ليك حريه
واحنا نجى عليها ونمرمط بيك الارض
شوف انت هتعمل ايه
وطبعا انت بتتاسف على الكلمه الواحشه دى

مع اهلك فى البيت
بس طبعا انت بتقول الكلمه دى
لما بتكون عاوز تقنعهم بحاجه وهما مش راضين يقتنعوا
فتقولها بكل بساطه
انا حر
شوف ساعتها ايه اللى هيتقالك
يعنى انت خلاص كبرت علينا
يعنى عشان انت طولت حبتين هتشوف نفسك
يعنى خلاص رجليك شيلتك وبقيت رجل
طب ما طالما انت حر كده اصرف على نفسك
وتبقى انت قليل الادب وقليل الذوق وقليل التربيه
لمجرد كلمه انت مش قصدك بيها اى حاجه

تعال بقى بص للدارسه
قولها لمدرسك او دكتورك
مثلا انت عملت حاجه بس مش بطريقته
وقولتله انا حر احل باى حاجه
او انا حر اعمل اى حاجه طالما ان هى صح
لو المدرس هيضربك
وهيغيبك وهيستقصدك
ولو الدكتور
اعمل حسابك انك مش هتنجح
فى المواد بتاعتها
ومواد اصحابه
ليه عشان قولت انا حر

وعندك اصحابك
قول انا حر
يبقى انت متسلط
قولها لحبيبتك والا لمراتك
وللعلم الواحد مبيقولهاش غير لما بيكون فاض بيه
وجاب اخره

بص بقى للعكس
هتلاقى ان فى كل المواقف اللى انا قولتها دى
ممكن كلهم يقولوا انا حر
من غير انت ما تقدر تعترض
ولو اتعرضت مش حاجه هتتغير

الحكومه لو قالت احنا حريين
يبقى هما عارفين الصح
ويبقى هما باشوات
فكر انك تعترض
فكر انك تتكلام فى سياسه
هتتظبط

البيت لو حد قالك انا حر
هتعترض تقول ايه
وانت مالك
ودى اقل كلمه هتتقالك
انت غلبان اسمع كلامى
متحاولش تعترض

الدارسه
الدكتور والا المدرس
قالك انا حر وهى دى طريقتى
حاول انك تفكر تعترض كده
وادانى دقنى اهيه
لو حد عبرك

وغيره وغيره وغيره وغيره
ليه كده
ايه اللى حصل فينا
ليه بقيت كلمه انا حر
كلمه بنسمعها وبس
كلمه بقولها فى سرنا وبس
كلمه بنخاف نفكر فيها
كلمه منقدرش نحط امل عليها
ليه الدنيا بقيت كده
ليه مبقاش حد فينا حر؟؟
سؤال هاسيبهلكوا

بس انا عن نفسى حـــــــــــــــــــــــــــــ الفارس المجهول ــــــــــــــــــــــــــــــــــــــــر

لايافارس فى حاجات كتيره جدا مينفعش فيها حر ذى موضوع الحكومه لكن انا عن نفسى مش بقول انا حره فى البيت لكن لم بحب اعمل اى حاجه
بعملهاوبعدين هما يبقوا يكتشفوا مدام انا مش بعمل حاجه غلط لكن لن بصراحه عشان الوحد يقول انا حر ده كلمه غير مقبوله فى مجتمعنا لكن هى كلمه مش غلط لكن هتقول ايه ناس دمغها كده ربنا يهدى

» سقوط ملوك الدنيا
» انا كله انا كله انا الفارس المجهول
» احـــاســيـــــس الفارس المجهول
» يوميّآ‘ت قلب .. الفارس المجهول
» راجع الفارس المجهول